fbpx

LinkedIn Nədir? Nə Üçün İstifadə Edilir?

Bu yazını paylaşın

Share on facebook
Share on linkedin
Share on twitter
Share on telegram
Share on email

LinkedIn nədir?

LinkedIn, işgüzar cəmiyyət üçün sosial şəbəkədir. 2002-ci ildə təsis olunan sayt, mütəxəssislərin öz keçmiş və indiki həmkarları ilə əlaqə qurmaları, iş əlaqələrinin sayını artırmaları, öz sektorları daxilində şəbəkələşmələri, biznes ideyalarını müzakirə etmələri, iş axtarmaları və yeni vakansiyalara işçi götürmələri üçün bir yerdir.

LinkedIn istifadəçiləri digər sayt üzvlərinə iş yerləri, təcrübə sahələri və mənsub olduqları qruplar və təşkilatlar haqqında daha çox məlumat əldə etməyə imkan verən peşəkar, tərcümeyi-hal tipli profillər yaradırlar. İstifadəçilər profillərini yaratdıqdan sonra şəbəkələrinə digər istifadəçilər əlavə edə bilərlər.

Profillərdə başqa bir istfadəçinin şəbəkəsindəki insanların görməsi üçün bir istifadəçinin nə üzərində işlədiyini və nə vaxt səyahət edə bildiyini və ya ehtiyac olduqda məsləhət təklif edən status güncəlləməsini daxil etmək variantları da mövcuddur. LinkedIn-ə daxil olmayanların istifadəçinin icazə verilən profil hissələrinə baxmasına imkan verən bir xüsusiyyət də var.

LinkedIn-in əsas xüsusiyyətləri:

  • Əlaqədə qalın:
    İnsanların işlərini tez-tez dəyişməsilə, LinkedIn istifadəçilərə, onların peşəkar şəbəkələrindəki insanların harada işlədikləri və onlarla necə əlaqə qurmaları barədə güncəl qalma imkanı verir.
  • Kömək alın:
    Bir istifadəçinin əlaqələr şəbəkəsi bir iş probleminə, kömək edə bilmədikdə, iki LinkedIn tulları (Cavablar və Qruplar), onlara etibarlı təqdimatlar vasitəsilə mütəxəssislərlə əlaqə yaratma imkanları verir.
  • İş axtarın:
    LinkedIn-in iş xüsusiyyəti istifadəçilərə birbaşa saytda ərizə doldurmaqla minlərlə məşğulluq siyahısını axtarmağa imkan verir. Başvuru və istifadəçinin LinkedIn profili birbaşa potensial işəgötürənə göndərilir.
  • Yeni işçilər götürün:
    Menecerlər, müəyyən bacarıqları və lazımi təcrübəsi olan namizədləri tapmaq üçün LinkedIn-dən istifadə edə bilərlər.

LinkedIn-in hazırda ABŞ-da 160 milyondan çox, dünyada isə 610 milyon üzvü var. LinkedIn üzvlərinə Fortune 500 şirkətlərinin rəhbərlərinin 92% -i daxildir və işə götürənlərin 77% -i LinkedIn-dədir.

Şəxsən LinkedIn-dən necə istifadə edə bilərsiniz?

LinkedIn’i başlanğıcda istifadə edərkən, saytın şəxsi istifadəçilər üçün verdiyi bəzi dəyərli xüsusiyyətləri gözdən qaçırmaq asandır. Birincisi, bir profil yaratmalısınız. Bunu peşəkar bir tərcümeyi-halınız kimi düşünün.
Oradan, bloq yazıları yarada, məqalələrə şərh yaza və qruplara qoşula bilərsiniz. Hətta iş axtara və ya sərbəst işçi (freelancer) olaraq qeydiyyatdan keçə bilərsiniz.

LinkedIn Pulse istifadə edərək, sektorunuzdakı yoldaşlarınız arasında mükəmməl bir nüfuz qazanmaq üçün düşüncə liderliyi göstərə bilərsiniz. Bu xəbər toplama xidməti, LinkedIn istifadəçilərinin yazıları ilə qarışıq olan böyük KİV-lərdən yüksək keyfiyyətli məqalələr toplayır.
Həmçinin iş yoldaşlarınızdan, müştərilərinizdən və həmkarlarınızdan bacarığınız üçün sizə dəstək olmalarını xahiş etdiyinizi düşünün. Bunlar potensial işəgötürənlər üçün bir növ tövsiyə rolunu oynayır. Nə etdiyinizə nəzarət sizin əlinizdədir.

LinkedIn Biznes nədir?

LinkedIn Biznes təşkilatınız üçün bir biznes profili yaratmağa imkan verir. Oradan, iş elanları yarada, potensial müştərilər və satıcılar və digərləri haqqında məlumat əldə etmək üçün profillər vasitəsilə axtarış edə bilərsiniz.
LinkedIn, xüsusilə B2B (Biznesdən Biznesə) müəssisələri üçün özünü marketinqə həsr edən geniş bir platformadır. 2016-cı ildə, LinkedIn, müəssisə istifadəçilərinə uzun müddət xitab edən Microsoft tərəfindən satın alındı.
Professionallar üçün qurulduğuna görə, LinkedIn əla bir satış imkanları yaratma (lead-generation) platformasıdır. Biznesinizə ən çox əhəmiyyət verən insanlarla əlaqə qurmağa başlamaq üçün potensial müştəriləri sektor, şirkət, vəzifə adı və digər şeylərə görə hədəf ala bilərsiniz.

LinkedIn pulsuzdur?

LinkedIn təməl bir üzvlük üçün pulsuzdur, ancaq seçimləriniz burada məhduddur. Yalnız şəbəkənizdəki insanlara mesaj göndərə bilərsiniz və profilinizə baxan son beş nəfər barədə məhdud məlumatınız vardır. Axtarışlar 100 nəticə ilə məhdudlaşır və daha təkmilləşmiş axtarışlar edə bilməzsiniz.

Yenə də, pulsuz bir LinkedIn üzvlüyü sizi peşəkar həmkarlarınızın arasına daxil etmə faydasına malikdir. Pulsuz bir LinkedIn hesabı sizə bir portfel yaratmaq, peşəkar şəbəkənizə insanlar əlavə etmək, qruplara qoşulmaq, qruplar yaratmaq və bloq yazıları yazmaq imkanı verir.
Bu, yeni başlayanların daha geniş peşəkar auditoriya tərəfindən kəşf olunmaları üçün əla bir yoldur.

LinkedIn Premium nədir?

Daha güclü xüsusiyyətlər istəyirsinizsə, LinkedIn Premium’a keçməlisiniz. Bununla standart 100-dən çox axtarış nəticələrini görmək imkanınız olacaq. Eyni zamanda pulsuz hesabın icazə verdiyi üç axtarışdan daha çoxunu saxlamaq mümkündür. Premium hesab, çoxlu profilləri birmərkəzli paneldən idarə etmək istəyən bizneslərin seçimidir.

Premium hesab ilə son 90 gündə profilinizə baxan hər kəsi görə bilərsiniz. Bir Premium LinkedIn üzvü əlavə ödənişsiz istənilən istifadəçiyə mesaj göndərə və mesaj ala bilər. Ödənişli LinkedIn Premium seçimlərinin 3 növü var.

LinkedIn-in pullu seçimləri nələrdir?

LinkedIn Premium-un 3 növü var: Biznes, Biznes PlusPro. Hər birinin fərqli qiyməti, fərqli limiti var və bizneslərə ehtiyaclarına görə kömək etməkdədir.

  • LinkedIn Biznes üçün biznes hesabları ayda 29.95 dollar xərcləyirlər. Bu, onlara ayda 3 InMail (şəbəkənizdən kənar insanlara mesaj), axtarışda 300 profil və Profil Təşkilatçısında (Profile Organizer) 5 qovluğa imkan verir.
    LinkedIn Biznes Plus hesabları ayda 49.95 dollara başa gəlir və ayda 10 InMail (şəbəkənizdən kənar insanlara mesaj), axtarışda 500 profil və Profil Təşkilatçısında (Profile Organizer) 25 qovluq əldə etməyə imkan verir.
  • LinkedIn Pro-nun qiyməti isə aylıq 499.95 dollardır və ayda 50 InMail (şəbəkənizdən kənar insanlara mesaj), axtarışda 700 profil və Profil Təşkilatçısında (Profile Organizer) 25 qovluq əldə etmə imkanınız var.
  • Bundan başqa LinkedIn Premium-da işəgötürənlər, iş axtaranlar və satış naviqatoru da mövcuddur və bu pullu hesabların da növləri var.

LinkedIn Recruiter Lite (işəgötürən üçün) ayda 99.95 dollar, korporativ isə ayda 825 dollar təşkil edir. İş axtaranlar ayda 29.99 – 59.99 dollar, satış üzrə mütəxəssislər isə ayda 79.99 dollar ödəyirlər. Bu abunəliklər, xüsusi auditoriyalara yönəldilmiş güclü istifadəçi xüsusiyyətlərinə malikdirlər.

Yeni başlayanlar üçün LinkedIn

LinkedIn-də işə başlamaq asandır. Sadəcə LinkedIn.com-a daxil olun və ekranın sağ hissəsindəki “İndi Qoşulun”-a klikləyin. Sayt sizi profilinizi qurmaq, portfelinizi və təcrübənizi doldurmaq, peşəkar bildiyiniz insanları əlavə etmək və qruplara qoşulmaq və ya maraqları izləmək prosesi ilə tanış edəcəkdir. Siz oradan bütün saytı kəşf edə bilərsiniz.

Bülletenimizə abunə olun

Yeniliklər əldə edin və ən yaxşısını öyrənin

Daha Çox Məqalə

Biznesinizi Yüksəltmək İstəyirsiniz?

Bizə Yazaraq İlk Addımı Atın

Bülletenimizə abunə olun

Yeniliklər əldə edin və ən yaxşısını öyrənin

Bizi İzləyin

© 2020 NM Digital Team - Bütün hüquqlar qorunur.